Mewn rhai llawysgrifau ceir yr enw Cneppyn Gwerthryniawn fel un o nifer o lysenwau ar Sypyn Cyfeiliog neu Ddafydd Bach ap Madog Wladaidd [q.v.] , ond gan fod y Dafydd hwn yn canu yn ddiweddar yn y 14eg g. , ni ddichon mai ef oedd y Cneppyn gwreiddiol (gw. I.G.E. , arg. 1925, clxvii et seq. ).

Yn Cardiff MS. 38 , sef copi o'r ‘ Pum Llyfr Kerddwriaeth ’ yn llaw Wiliam Cynwal , ac mewn copïau eraill ohonynt o'r 16eg g. , sonnir am ‘ Cnypyn Gwerthryniawn ’ (neu Werthryniawc ) fel gramadegydd , a'i enwi o flaen Dafydd Ddu Athro . Gan fod gramadeg y beirdd yn seiliedig ar y ‘ddwned’ Ladin , y mae hyn yn hawdd ei gysoni â thystiolaeth Gwilym Ddu , ac yn awgrymu bod gramadeg Cymraeg sgrifenedig yn nwylo'r penceirddiaid cyn gynhared â'r 13eg g. o leiaf (gw. G. J. Williams , Gramadegau'r Penceirddiaid , xx-xxi).