EAMES, ROLANT (fl. yn rhan olaf y 18fed g.), cerddor;
trigai yn Penrhyndeudraeth, Meirionnydd. Gwnaeth waith mawr fel athro canu, ac ymwelai ag eglwysi Llanfrothen, Llanfair, Llanbedr, Llandanwg, a Llanfihangel i ddysgu i'r cantorion ganu, a llafuriodd yn llwyddiannus i ddyrchafu a gwella cerddoriaeth eglwysig. Cyrchid ato o bell ac agos i dderbyn gwersi mewn cerddoriaeth. Flynyddoedd yn ôl wrth chwalu muriau eglwys Llanfrothen i'w hailadeiladu cafwyd seinbib yr hen athro.
Llyfryddiaeth:
- M. O. Jones, Byw. Cerdd. Cymr.;
Awdur:
Robert David Griffith, M.A., (1877-1958), Hen Golwyn
