EDWARD ap HYWEL ap GRUFFYDD (fl. 15 g.), cywyddwr nad oes ond ychydig o'i waith ar gael.
Yn N.L.W. MS. 6471 ceir dau gopi o'i gywydd ‘i ofyn klog i Syr Richard.’ Gellir casglu o'r cywydd mai Richard Redman, esgob Llanelwy o 1471 hyd 1496, oedd y gŵr hwn. Priodolir dau englyn i Edward ap Hywel yn Mostyn MS. 144, eithr yn ôl Pen. MS. 99 eiddo Sion Tudur yw un ohonynt.
Llyfryddiaeth:
- N.L.W. MS. 6471;
- Mostyn MS. 144.
Awdur:
Mrs. Mary Gwendoline Ellis, M.A., Aberystwyth
