HUW ap RHISIART ap DAFYDD (fl. yn ail hanner y 16eg ganrif), Cefn Llanfair, Sir Gaernarfon; bardd

a thad i fardd, sef Richard Hughes (bu farw 1618). Yn NLW MS 16B (239) ceir '6 o englynion pan oedd y bardd yng ngharchar efo gwyr Llŷn yn Llundain yn amser Iarll Leister ynghylch y gwlltir' a '12 o Englynion i'r Udonwyr'; yn Glyn Davies (N.L.W.) MS. 2 (15), a NLW MS 3048D (203), ceir 'marwnad Sion Smyth.' Ceir enghreifftiau (neu gopïau) eraill o'i waith yn NLW MS 5272C (102), NLW MS 3039B (50), NLW MS 3047C (466), NLW MS 3048D (641, 644, 738); Cardiff MS. 8 (255); Cwrtmawr MS 14C (69), Cwrtmawr MS 114B (277); Wynnstay MS. 6 (143); Brogyntyn MS. 4 (59, 63). Na chymysger ef a Huw Llŷn .

Awdur

• Syr William Llewelyn Davies, (1887 - 1952)

Ffynonellau

• J. E. Griffith, Pedigrees of Anglesey and Carnarvonshire Families (1914), 224-5
• J. Jones ('Myrddin Fardd'), Cynfeirdd Llyn, 1500-1800 (Pwllheli 1905)

Dolenni Ychwanegol

• Wikidata: Q20733220

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/