JAMES, MARIA (1793-1868), bardd;
g. 11 Hydref 1793, hwyrach yng Ngogledd Cymru. Ymfudodd i America gyda'i rhieni yn 1800. Ymsefydlodd y teulu yn Clinton, Efrog Newydd a threuliodd hi ei hun y rhan fwyaf o'i bywyd, o 10 mlwydd oed ymlaen, fel morwyn. Dangosodd gryn allu i gyfansoddi barddoniaeth, a chyhoeddwyd casgliad o'i gwaith dan olygyddiaeth A. Potter yn Efrog Newydd yn 1839 dan y teitl, Wales and other Poems. Bu. f. 11 Medi 1868 yn Rhinebeck, Efrog Newydd.
Llyfryddiaeth:
- N.L.W. MS. 9261;
- Asaph (Em. W.);
- Y Brython, v, 158;
- Enw. F.;
- Cardiff Catalogue.
Awdur:
Griffith Milwyn Griffiths, M.A., Aberystwyth
