JOHNS, WILLIAM NICHOLAS (1834 - 1898), argraffydd, hynafiaethydd perchennog newyddiaduron, a golygydd

Ganwyd 20 Ebrill 1834 yn Poole, Dorset. Ymsefydlodd yng Nghasnewydd-ar-Wysg yn 1835, a sefydlodd The Newport Gazette yn 1857. Cychwynnodd newyddiadur prynhawnol cyntaf sir Fynwy - The Evening Telegraph (y papur newydd prynhawnol dimai cyntaf yn Ne Cymru) yn 1870; cyhoeddodd a golygodd hefyd The Star of Gwent and South Wales Times a'r Evening Star of Gwent. Ysgrifennai erthyglau ar bynciau hynafiaethol a hanesyddol i'w newyddiaduron ac ail-gyhoeddwyd rhai o'r rhain yn llyfrau - Chartist Riots at Newport, 1839 (1884, ail arg. yn 1889), Historical Facts and Traditions relating to Newport and Caerleon (chwe rhan, 1880-5), History of the Church of S. Gwynllyw, 1891; John's Household Almanack and Guide to Local Information, 1857, 1858, 1860-70, 1896, 1898, a Newport Directory and Year Book, 1885. Bu farw 11 Mawrth 1898 yng Nghasnewydd-ar-Wysg.

Awdur

• William John Townsend Collins, (1868 - 1952)

Ffynonellau

• Gwybodaeth bersonol

Dolenni Ychwanegol

• Wikidata: Q20738187

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/