JONES, ROBERT THOMAS (1874 - 1940), arweinydd Llafur

Ganwyd yn Blaenau Ffestiniog, 14 Hydref 1874. Bu'n ysgrifennydd Undeb Chwarelwyr Gogledd Cymru, 1908-33 - y chwarelwr cyntaf a ddewiswyd yn ysgrifennydd yr undeb - ac yn aelod seneddol dros sir Gaernarfon, 1922-3. Yr oedd yn aelod o'r ddirprwyaeth frenhinol ar fwynfeydd metel a chwareli, 1910-4, o gyngor cyffredinol y Trades Union Congress, 1921-32, a lliaws o fyrddau cyhoeddus yng Nghymru. Llwyddodd i gael gwell dealltwriaeth rhwng y chwarelwyr a'u cyflogwyr, ac enillodd ' Siarter y Chwarelwyr,' yn darparu isrif cyflogau, hyfforddiant i brentisiaid, etc. Hyrwyddodd sefydlu dosbarthiadau'r brifysgol ymysg y chwarelwyr. Bu farw 15 Rhagfyr 1940 yng Nghaernarfon.

Awdur

• David Thomas, (1880 - 1967)

Ffynonellau

• Who's who in Wales, 1920
• Owen Parry, Undeb y Chwarelwyr, 1908-1929 (Caernarfon 1929)
• Yr Herald Cymraeg a'r Genedl, 23 Rhagfyr 1940

Darllen Pellach

• Archifau LlGC: Etholiad Seneddol Sir Gaernarfon. R. T. Jones, yr Ymgeisydd Llafur.
• Archifau LlGC: Etholiad Seneddol Sir Gaernarfon. R. T. Jones, yr Ymgeisydd Llafur.
• Archifau LlGC: Etholiad Seneddol Sir Gaernarfon, 1924. R. T. Jones, yr Ymgeisydd Llafur.
• Archifau LlGC: Beth am Rwsia. Votiwch i R. T. Jones.

Dolenni Ychwanegol

• Wikidata: Q7350344

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/