Y Bywgraffiadur Cymreig


A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z



LATHROP , RICHARD (bu f. 1764 ), gwerthwr llyfrau ac argraffydd yn Amwythig .

Nid oes sicrwydd ei fod yn Gymro , ac nid oedd ei gynnyrch Cymreig — llyfrau a baledi — mor helaeth ag eiddo Thomas Durston [q.v.] a Stafford Prys [q.v.] . Dechreuodd ei fusnes ei hun fel argraffydd yn 1738 (gw. Cambriae Suspiria In Obitum … Reginae Carolinae … Authore Tho. Richards ). Cafodd ryddfreiniad y ‘ Combrethren of Saddlers … ’ ar 22 Mehefin 1739 . Priododd, 14 Chwefror 1737/8 , Mary Hesketh . Claddwyd ef 1 Tachwedd 1764 .

Ffynonellau:

  • Ifano Jones , A history of printing and printers in Wales to 1810, and of successive and related printers to 1923 (1925) ;
  • W. Rowlands , Llyfryddiaeth y Cymry (Llanidloes, 1869) ;
  • J. H. Davies , A Bibliography of Welsh Ballads printed in the 18th century (1908-11) ;
  • Llewelyn C. Lloyd , ‘The Book Trade in Shropshire,’ yn Transactions of the Shropshire Archaeological and Natural History Society , 1935 , 1936 .

Awdur:

Syr William Llewelyn Davies, M.A., LL.D., F.S.A. (1887-1952), Aberystwyth

Blwyddyn Cyhoeddi: 1953-54