LATHROP, RICHARD (bu f. 1764), gwerthwr llyfrau ac argraffydd yn Amwythig .
Nid oes sicrwydd ei fod yn Gymro, ac nid oedd ei gynnyrch Cymreig — llyfrau a baledi — mor helaeth ag eiddo Thomas Durston [q.v.] a Stafford Prys [q.v.]. Dechreuodd ei fusnes ei hun fel argraffydd yn 1738 (gw. Cambriae Suspiria In Obitum … Reginae Carolinae … Authore Tho. Richards). Cafodd ryddfreiniad y ‘Combrethren of Saddlers …’ ar 22 Mehefin 1739. Priododd, 14 Chwefror 1737/8, Mary Hesketh. Claddwyd ef 1 Tachwedd 1764.
Llyfryddiaeth:
- Ifano Jones, Hist. of Printing and Printers in Wales;
- W. Rowlands, Llyfr. y Cym.;
- J. H. Davies, Bibliog. Welsh Ballads;
- Llewelyn C. Lloyd, ‘The Book Trade in Shropshire,’ yn Trans. Shrops. Arch., 1935, 1936.
Awdur:
Syr William Llewelyn Davies, M.A., LL.D., F.S.A. (1887-1952), Aberystwyth
