LEWIS DARON (fl. c. 1520), bardd
o Aberdaron. Yr oedd teuluoedd Bodeon, Bodfel, Cochwillan, Glynllifon, a Gwydir ymhlith ei noddwyr. Canodd hefyd farwnad i Dudur Aled. Yn ôl Pen. MS. 122 (122) fe'i claddwyd yn Nefyn, serch bod ffynonellau eraill yn dweud mai yn Llanegwad yn sir Gaerfyrddin y claddwyd ef. Argraffodd ‘Myrddin Fardd’ gyfran o'i waith yn Cynfeirdd Lleyn.
Llyfryddiaeth:
- Llanst. MSS. 123 (317, 556, 572), 124 (263), 125 (282);
- N.L.W. Brogyntyn MS. 4 (122);
- N.L.W. MS. 872 (463).
Awdur:
Yr Athro David James Bowen, M.A., Aberystwyth
