LEWIS HUDOL (fl. yn y 16eg g.), bardd.
Priodolir y cywydd ‘Y ddyn winfaeth ddynionfawr’ iddo mewn pedair llawysgrif: Cwrtmawr MS. 5 (386), Cwrtmawr MS. 27 (329), N.L.W. MS. 1246 (42), a N.L.W. MS. 5269 (2586), ond fe'i priodolir hefyd i Ieuan ap Gronwy: Pen. MS. 99 (57), Mostyn MS. 160 (383), Ieuan ap Huw (Jesus Coll. MS. 17 (675)), ac mewn dwy lawysgrif ni roir enw'r awdur: Pen. MS. 66 (42), Mostyn MS. 161 (292); ‘ai kavadd ai kant.’ Yn Mostyn MS. 161 y digwydd y copi cynharaf (c. 1563), ac os Lewis Hudol ydyw'r awdur rhydd hynny syniad am ei gyfnod. Priodolir ‘Er athrod trwm weithred traw’ yn Cardiff MS. 12 (295) iddo hefyd.
Awdur:
Yr Athro David James Bowen, M.A., Aberystwyth
