MARKS, DAVID (1788-1871), cerddor;
g. yn 1788 ym mhlwyf Cilrhedyn, sir Gaerfyrddin. Saer maen ydoedd wrth ei alwedigaeth. Yr oedd yn adnabyddus fel cerddor, a gwnaeth wasanaeth mawr trwy fynd oddi amgylch i gynnal dosbarthiadau cerddorol. Cyfansoddodd amryw o donau; ceir ‘Cannon Street’ a ‘Manchester’ yn yr Haleliwia Drachefn, 1855. Bu f. 3 Hydref 1871 yn Ffynnon-drain, plwyf Eglwys Newydd, ger Caerfyrddin.
Llyfryddiaeth:
- M. O. Jones, Byw. Cerdd. Cymr.;
Awdur:
Robert David Griffith, M.A., (1877-1958), Hen Golwyn
