Y Bywgraffiadur Cymreig


A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z



MORGAN , THOMAS OWEN ( 1799 - 1878 ), bargyfreithiwr ac awdur ;

mab Thomas Morgan . Pan ffurfiwyd y Powysland Club yn 1867 dewiswyd Morgan yn gyd-ysgrifennydd â Morris Charles Jones . Yr oedd hefyd yn aelod o Gymdeithas Hynafiaethol Cymru , a cheir erthyglau ganddo yn Arch. Camb. , 1851 , 1854 , 1856 , ac 1867 (‘ History of the Lordship of Cyfeiliog ’ yn un o ddwy sydd yn Arch. Camb. , 1867 ). Cofir ef yn bennaf oherwydd ei A New Guide to Aberystwyth , 1848 (arg. eraill yn 1851 , 1859 , 1867 , 1869 , 1870 ); A New Guide to Aberdovey … Towyn, Machynlleth , 1854 (ac 1863 ); a The Aberdovey Guide , 1863 . Efe, y mae'n bosibl, ydyw awdur A Chronological Summary of the Chief Events in the History of the Castle of Aberystwyth , llyfryn bychan y cafwyd llawer o argraffiadau ohono. Cyhoeddodd yn 1849 Flora Cereticae Superioris: a catalogue of plants indigenous in the neighbourhood of Aberystwyth . Etholwyd ef yn faer Aberystwyth yn 1862 a thrachefn yn 1863 ; yr oedd hefyd yn ddirprwy-raglaw yn sir Aberteifi . Bu f. 5 Rhagfyr 1878 yn ei gartref yn Goginan gerllaw Aberystwyth , yn 79 oed.

Ffynonellau:

  • G. Eyre Evans , Aberystwyth and its Court Leet , Aberystwyth, 1902 , 1902 (darlun o T.O.M. yn hwn);
  • Bye–Gones, relating to Wales and the Border Counties , 1878 , 143.

Awdur:

Syr William Llewelyn Davies, M.A., LL.D., F.S.A. (1887-1952), Aberystwyth

Blwyddyn Cyhoeddi: 1953-54