MORRIS, DAVID ('Eiddil Gwent '; fl. 1798-1878), bardd a llenor

Fe'i prentisiwyd yn grydd, a threuliodd y rhan helaethaf o'i fywyd yn Nhredegar. Cyfansoddodd lawer o farddoniaeth a rhyddiaith, ac yr oedd yn un o aelodau blaenllaw Cymreigyddion y Fenni. Bu canu mawr ar rai o'i faledi, a hyd heddiw y mae bri ar ei gân, ' Can mlynedd i nawr.' Yn 1862 gwobrwywyd ef yn eisteddfod Cymmrodorion Tredegar am draethawd ar ' Hanes Tredegar ' a gyhoeddwyd yn 1868. Treuliodd ei flynyddoedd olaf yn nhloty Tredegar, a thra bu yno gyrrai arglwyddes Llanover bunt yn galennig iddo bob Calan. Yr oedd heibio'r 80 mlwydd oed pan fu farw.

Awdur

• Thomas Isfryn Jones

Ffynonellau

• William Williams, Cân, Llên, a Gwerin sef cynhyrchion y diweddar Myfyr Wyn (Aberdâr 1908)
• Morris, Hanes Tredegar o ddechreuad y gwaith haiarn hyd yr amser presenol, 1868
• Powell, History of Tredegar subject of competition at Tredegar 'Chair Eisteddfod', held February the 25th, 1884 (Casnewydd 1902), 1902

Dolenni Ychwanegol

• Wikidata: Q28360895

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/