Y Bywgraffiadur Cymreig


A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z



MORRIS , MORRIS ap RHISIART , neu MORRIS PRICHARD ( 1674 - 1763 ),

tad Lewis , Richard , William , a John Morris (gw. yr ysgrifau arnynt), a gŵr Margaret Owen ( 1671 - 1752 ) o Fodafon-y-glyn yn Llanfihangel-tre'r-beirdd ; fe'i g. ef yn y Tyddyn Melus yn yr un plwyf, a phriododd ym mis Mehefin 1699 . Wedi geni ei fab hynaf ( 1701 ), aeth i fyw i'r Fferem , ond symudodd yn 1707 i Bentrerianell , gan ddal ymlaen gyda'i waith fel cylchwr , ac amaethu . Pan fu farw ei wraig, aeth ei ŵyres Margaret Owen (merch ei ferch Elin ) a'i gŵr yno i fyw gydag ef. Ymadawodd â Phentrerianell yn 1761 , a mynd i fyw mewn llety yn Llannerch-y-medd , lle y bu f. 25 Tachwedd 1763 . Cyfranogai yn niddordebau llenyddol a hynafiaethol ei feibion.

Ffynonellau:

  • The Letters of Lewis, Richard, William, and John Morris, of Anglesey, (Morrisiaid Môn) 1728-1765 , 1907–9 (gol. gan J. H. Davies ;
  • mynegeion gan Hugh Owen );
  • Additional Letters of the Morrises of Anglesey (1735-86). Y Cymmrodor , xlix, 1947-9 (gol Hugh Owen ) = Y Cymmrodor , xlix.

Awdur:

Hugh Owen, M.A., F.S.A., (1880-1953), Llanfair-pwll, Môn

Blwyddyn Cyhoeddi: 1953-54