Y Bywgraffiadur Cymreig


A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z



OWAIN ab EDWIN (bu f. 1105 ), uchelwr yn Nhegeingl ( sir y Fflint yn awr).

Dywedid mai meibion oedd ef a'i frawd, Uchtryd , i Edwin ap Gronw (gor-or-ŵyr Hywel Dda ) ac Iwerydd , hanner-chwaer Bleddyn ap Cynfyn [q.v.] . Serch i Owain gynorthwyo yr iarll Hugh o Gaer yng nghyrch annhymig hwnnw yn erbyn Gwynedd yn 1098 , priododd Angharad , ei chwaer , â Gruffydd ap Cynan [q.v.] . Gronw ei fab, oedd tad Christina [q.v.] , ail wraig Owain Gwynedd [q.v.] . Ni ddylid cymysgu rhyngddo â chefnder ei dad, hwnnw hefyd yn Owain ab Edwin , eithr o linach tywysogion Deheubarth .

Ffynonellau:

  • A History of Wales: from the Earliest Times to the Edwardian Conquest ;
  • Oxford Dictionary of National Biography

Awdur:

Yr Athro Thomas Jones Pierce, M.A., F.S.A., (1905-1964), Aberystwyth

Atodiadau a chywiriadau:

OWAIN ab EDWIN ( Bywg. , 648)

Ei ferch oedd yr Angharad a briododd Gruffydd ap Cynan (nid ‘ei chwaer’).

Blwyddyn Cyhoeddi: 1953-54