OWEN, DAVID (‘Dafydd y Garreg Wen ’; 1709-1739),
bedyddiwyd 29 Ionawr 1708/9, mab Owen Humphreys, Ynyscynhaearn, sir Gaernarfon, a Gwen (Roberts), Isallt Fawr, Llanfihangel-y-Pennant (Eifionydd) — gw. J. E. Griffith, Pedigrees, 353. Fe'i dygwyd i fyny'n delynor, ac y mae llawer o draddodiadau amdano; priodolir iddo'r alawon ‘Dafydd y Garreg Wen,’ ‘Codiad yr Ehedydd,’ a ‘Difyrrwch Gwŷr Cricieth.’ Bu f. fis Awst 1739, a chladdwyd yn Ynyscynhaearn.
Llyfryddiaeth:
- Edward Jones, Musical Relicks;
- Y Brython, 1862-3;
- Cymru (O.M.E.), iii;
- Y Cymro, Mehefin a Gorffennaf 1949.
Awdur:
Robert David Griffith, M.A., (1877-1958), Hen Golwyn
