OWEN, DAVID (bu f. 1765), gweinidog gyda'r Bedyddwyr yn y Felinfoel .
Daeth yn weinidog ei fam-eglwys ar achlysur ymweliad y gymanfa yn 1735, er y tybir ei alw i bregethu a'i ordeinio tua 10 mlynedd ynghynt, a galwyd ef yr un pryd i gynorthwyo'r eglwys wag yn Abertawe. Bu ei weinidogaeth yn llewyrchus dros ben, a chafodd yr anrhydedd o bregethu yn y gymanfa yn 1741 a 1758. Bu f. 19 Ionawr 1765 yn 72 oed, a'i gladdu ar bwys y capel.
Llyfryddiaeth:
- Hanes y Bed. (arg. 1885), 515;
- B. Humphreys, Hanes Bed. Felinfoel, 1909, 77-8.
Awdur:
Benjamin George Owens, M.A., Aberystwyth
Atodiadau a chywiriadau:
OWEN, DAVID (bu f. 1765; Bywg., 658)
Y mae ganddo emynau yn Llyfr o Emynau (Caerfyrddin, 1740).
Awdur:
Y Parch. Gomer Morgan Roberts, M.A., (1904-93), Pont-rhyd-y-fen / Llandudoch / Llandybïe
