REES, GEORGE (bu farw 1795), gweinidog y Bedyddwyr yn Llangloffan a Rhydwilym.

Fe'i bedyddiwyd yn Llangloffan 11 Gorffennaf 1741, ac yno y codwyd ef i bregethu tua 1745 a'i ordeinio yn 1758, ond dechreuodd gynorthwyo yn Rhydwilym ar ôl cwymp David Thomas yn 1769, a gweinyddu'r ordinhadau yn 1771. O'r diwedd, yn 1775, cafodd lythyr gollyngdod llwyr yn weinidog yr eglwys, a bu ei weinidogaeth yno yn llewyrchus iawn er ei fod ef ei hun yn byw cyn belled i ffwrdd â'r Cilgwyn ym mhlwyf Maenordeifi. Bu farw 17 Mehefin 1795 yn 75 oed, a'i wraig Elizabeth 24 Mehefin 1798, yn 77 oed, a'u claddu ill dau yng Nghilfowyr. Sonia ei ewyllys am ddau blentyn a aned iddynt, sef James Rees a Margaret Davies.

Awdur

• Benjamin George Owens

Ffynonellau

• Hanes y Bedyddwyr ymhlith y Cymry: o amser yr Apostolion, hyd y flwyddyn hon: yn ddwy ran (Caerfyrddin 1778) (arg. 1885), 347, 351
• H. Price, Hanes Eglwys Rhydwilym yr eglwys henaf ymhlith y Bedyddwyr yn Nghymru, ond un, sef Olchon, neu Gapelyffin, Swydd Frycheiniog (Hwlffordd 1855), 1855, 52-3
• R. Edwards, Hanes Llangloffan, 1932, 24
• Seren Gomer, 1818, 353-4
• The Baptist Annual Register Including sketches of the state of religion among different denominations of good men at home and abroad, 1795, 336-7
• ei ewyllys (profwyd 27 Mehefin 1795)

Dolenni Ychwanegol

• Wikidata: Q20733073

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/