RICHARDS, THOMAS (1800 - 1877), llenor Awstralaidd

Ganwyd yn Nolgellau (bedyddiwyd yno 17 Awst 1800) yn fab i Thomas (cyfreithiwr) ac Elizabeth Richards. Aeth i ysgol Christ's Hospital (Llundain) yn 1809, a thrwyddedwyd ef yn feddyg yn 1823. Bu'n llenora yn Llundain, ac yn gyfaill i Hazlitt a llenorion eraill. Ymfudodd yn 1832 i Tasmania, gan weithredu fel meddyg ar fwrdd y llong; gweithiodd fel meddyg yn yr ynys am ychydig, ond troes at lenora, gan olygu cylchgronau a newyddiaduron a sgrifennu llawer o'u cynnwys - yr oedd cefndir Cymreig i amryw o'i storïau gorau. Yn Hobart, yn aelod o staff y Mercury, y bu farw yn 1877. Gelwir ef yn ' dad y Wasg yn Nhasmania.'

Awdur

• David Myrddin Lloyd, (1909 - 1981)

Ffynonellau

• E. Morris Miller, Pressmen and Governors Australian editors and writers in early Tasmania a contribution to the history of the Australian press and literature with notes biographical and bibliographical (1952)
• ysgrifau gan E. Morris Miller yn Across the Years The lure of early Australian books (Melbourne 1948) ac yn Education Record (Tasmania) (Hydref 1948), a llythyrau oddi wrtho

Darllen Pellach

• Erthygl Wicipedia: Thomas Richards (Tasmania)

Dolenni Ychwanegol

• Wikidata: Q20751829

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/