SEFNYN , bardd yn canu ym Môn yn ail hanner y 14eg g.;
Canodd awdl foliant i Dudur ap Goronwy o Drecastell a Phenmynydd (bu f. 1367), ac awdl farwnad i Iorwerth Gyriawg [q.v.], bardd o Fôn a flodeuai o gwmpas 1360. Canai hefyd foliant gwragedd, megis rhyw Angharad ‘gymar Dafydd‘; yn gymysg annhrefnus y ceir ei waith yn y llawysgrifau. Y mae'n dra thebyg mai ef oedd tad y bardd Gwilym ap Sefnyn [q.v.].
Llyfryddiaeth:
- Ll. C. Herg.;
- M.A. (Myv. Arch.);
- N.L.W. MS. 4973;
- I.G.E. (ail arg.), lxxxiii-lxxxiv;;
- H. Llen. Gym. (Gweirydd ap Rhys)
Awdur:
David Myrddin Lloyd, M.A., (1909-81), Aberystwyth / Yr Alban
