THOMAS, EDWARD (‘Idriswyn ’; 1847-1906), newyddiadurwr.
Brodor o Aberystwyth medd Bye-Gones, eithr cyfeirir ato mewn englyn coffa yn Y Geninen fel Meirionwr — o Ddolgellau, yn ôl y Welsh Gazette a'r Cambrian News. Bu'n bennaeth ar rai o'r gweithwyr yn swyddfa argraffu'r Cambrian News, Aberystwyth; wedyn bu yng Nghaerdydd am dros 20 mlynedd ar staff y Western Mail, ar y cyntaf yn bennaeth (‘overseer’) yn y swyddfa argraffu ac wedi hynny yn golygu y Weekly Mail. Ysgrifennodd lawer ar faterion Cymreig ac ystyrid ef yn amddiffynnydd yr iaith. Bu f. 15 Mehefin 1906 yn Aberystwyth.
Llyfryddiaeth:
- Bye–Gones, 20 Mehefin 1905;
- The Welsh Gazette, 21 Mehefin 1906;
- Camb. News, 22 Mehefin 1906.
Awdur:
Edward Morgan Humphreys, O.B.E., M.A
