THOMAS, GEORGE (c. 1791—c. 1872), awdur barddoniaeth ffug-arwrol a dychanol yn ymwneuthur â sir Drefaldwyn;
g. c.1791, mab James Thomas, prynwr a dosbarthwr gwlân, y Drenewydd, sir Drefaldwyn. Cafodd beth addysg yn ysgol Park, Amwythig, bu'n cynorthwyo ei dad mewn busnes yn y Trallwng, ac wedi hynny bu'n gweithio drosto'i hunan yn y dref honno fel malwr ydau, etc. Bu'n glerc i deuluoedd Newton Hall a Cilgwrgan (Abermule); o c. 1820 hyd c. 1840 bu'n glerc i'r ‘Forden House of Industry.’ Yn ddiweddarach bu'n ysgolfeistr ac yn bostfeistr yn Llandyssil, i'r lle y symudasai yn 1826, ac yno y bu f. c. 1872. Ymysg ei weithiau y mae (a) The otter hunt and the death of Roman, a well-known hound (Welshpool, 1817); (b) The Welsh flannel (chwech arg.); (c) History of the Chartists and the Bloodless Wars of Montgomeryshire (yn cynnwys ‘History of Toolly Loolly,’ ‘Battle of Abermule,’ ‘Battle of Heniarth,’ ‘Battle of Caersws,’ a ‘Battle of Newtown and Llanidloes,’ 1840 — y rhain yn dychanu milwyr y sir, sef y ‘Yeomanry’); (ch) The death of Rowton (a Llandyssil eccentric); (d) The extinction of the Mormons.
Llyfryddiaeth:
- R. Williams, Mont. Worthies;
- Mont. Coll., xlix, 257, gyda. darlun.
Awdur:
John Davies Knatchbull Lloyd, M.A., F.S.A., O.B.E., Trefaldwyn
