ROBERT (ab) IFAN neu ROBERT IFANS, (fl. c. 1572-1603), prydydd ac uchelwr

O Frynsiencyn yn sir Fôn. Ceir ei ach yn llawn yn Peniarth MS 158 ar ddiwedd y copi diddorol a wnaeth iddo'i hun (ym mis Mai 1587) o gynnwys gramadegau'r beirdd, etc.; dywed yno mai enw ei fam oedd Marged, ferch Huw ap Rhys o Fysoglen (Maesoglan), ac eglura sut y daeth ei dad, Ifan ap Wiliam, yn berchennog tir yn sir Fôn. Canodd yn bennaf i rai o uchelwyr sir Fôn a sir Ddinbych, yn eu plith Salbriaid Llewenni, a cheir marwnadau ganddo i Catrin o'r Berain, a Siôn Tudur. Ceir peth o'i waith yn ei law ef ei hun yn Christ Church MS. 184 (am gopi ffotostat o'r llawysgrif hon gweler NLW MS 6495D: Llawysgrif Christ Church 184 (copi): Rhan 1 - NLW MS 6496C: Llawysgrif Christ Church 184 (copi): Rhan 2 ) ac yn Peniarth MS 72 . Enwir 'Robert Ifan lân lonydd' yng nghywydd Thomas Prys 'i yrru yr Eryr at brydyddion i neges' (J. Fisher, The Cefn Coch MSS. 1899, 23).

Awdur

• Rhiannon Francis Roberts, (1923 - 1990)

Ffynonellau

• Gramadegau'r Penceirddiaid (1934), 1934, xvi, 1, et passim
• Llenyddiaeth Cymru o 1450 hyd 1600 (Lerpwl 1922), ii, 2, 80, iii, 3, 144, 158
• Additional Manuscripts in the British Museum 14879, 14998
• Cardiff Manuscripts 21-2, 64
• Llawysgrif Havod yn Llyfrgell Ganolog Caerdydd 3
• Jesus College Manuscripts 15, 18
• Archifau LlGC: Llanstephan MS 54: Poetry
• Archifau LlGC: Llanstephan MS 122: Poetry
• Archifau LlGC: Llanstephan MS 124: Poetry
• Archifau LlGC: Llanstephan MS 125: Poetry
• Archifau LlGC: NLW MS 3039B, NLW MS 3050D
• Archifau LlGC: Peniarth MS 75: Pedigrees
• Archifau LlGC: Peniarth MS 93: Llyfr Cadwaladr Wynn
• Archifau LlGC: Peniarth MS 124: Barddoniaeth Owen Griffith a Griffith Phylip
• NLW MSS 435, 6494
• Archifau LlGC: Cwrtmawr MS 11B, Cwrtmawr MS 312B
• Llawysgrifau Brogyntyn yn Llyfrgell Genedlaethol Cymru, Aberystwyth 3, 6

Darllen Pellach

• Erthygl Wicipedia: Robert Ifan

Dolenni Ychwanegol

• Wikidata: Q18535895

Dyddiad cyhoeddi: 1970

Hawlfraint Erthygl: http://rightsstatements.org/page/InC/1.0/